Дејвид и Викторија Бекам со децата го прославија роденденот на синот Круз, само Бруклин отсуствуваше

Семејството Бекам организираше раскошна прослава по повод 21-от роденден на Круз Бекам во лондонскиот ресторан The MAINE.

Дејвид и Викторија со трите деца славеа со блиските пријатели и роднините. Иако роденденот на Круз е на 20 февруари, славењето започна неколку дена порано со гламурозна забава на тема „Grande Beatles Ball“.

Најемотивниот дел од вечерта бил кога мајката на славеникот, Викторија, сестрата Харпер и девојката Џеки Апостел, одржале говор на сцената, кој го расплакал Круз.

Викторија сподели фотографии на социјалните мрежи и напиша: „Го славиме Круз порано! Те сакаме многу!!!“.

Познатото семејство беше во одлично расположение, но вниманието повторо го привлече отсуството на најстариот син Бруклин, кој уште повеќе се дистанцира од семејството.

Неодамна, тој престана да го следи на Instagram семејниот пријател Гордон Ремзи само поради негов коментар за ситуацијата. 

Имено, Ремзи јавно го советувал да се помири со Дејвид и Викторија, кои ги пофалил дека се добри родители. По тие изјави, Бруклин го отследил на Instagram, што се смета како знак дека не сака да слуша совети и останува на одлуката да се држи на дистанца.