Синоќа, во Лондон беше прикажана новата серија на Дејвид Бекам „Save Our Squad“.
47-годишниот поранешен фудбалер изгледаше елегантно покрај сопругата Викторија и три од нивните четири деца. Синовите Ромео и Круз, како и ќерката Харпер, присуствуваа на настанот за да му ја дадат поддршката на нивниот татко. Отсутен беше само најголемиот син, Бруклин Бекам.
На синиот тепих, Викторија позираше во целосно црн стајлинг.
Новата мини-серија на Дејвид го следи неговото враќање во Западен Лондон, онаму каде што започна неговото спортско патување. Легендарниот фудбалер се враќа на теренот на кој играл како дете за да им биде ментор на млади спортисти од екипата на Westward Boys кои се борат за да останат во лигата. И тоа не во која било лига, туку во онаа во која и тој самиот играл во своите почетоци.
„Бев голем среќник што имав долга и успешна кариера и сега е неверојатно што имам можност да им возвратам на овие заедници како ментор. Да се развива и негува талентот на младите е многу важно во играта“ – рекол тој.
„Save Our Squad“ ќе започне да се прикажува на 9 ноември на Disney+.
Трејлер за „Save Our Squad“
