Викторија Бекам го прослави својот 42. роденден, а нејзиниот сопруг Дејвид не пропушти да го одбележи специјалниот ден со слатка порака на Instagram.
„Среќен да ѝ е роденденот на оваа убава страсна жена... Имај го најпрекрасниот ден и дозволи ни да те разгалуваме, бидејќи заслужуваш да бидеш разгалувана од твојот сопруг и нашите прекрасни деца. Во 42 години ти успеа да постигнеш толку многу, а имам чувство како сега да започнуваш да се докажуваш. Среќен роденден, те сакаме“ – пишува во описот на фотографијата од славниот брачен пар.
Познатата дизајнерка и поранешна членка на „Spice Girls“ на Instagram сподели фотографија од честитките кои ги доби од своите четири деца и му се заблагодари на своето семејство.