Дефинитивно не ѝ треба стилист: Блејк Лајвли во розов костум на премиерата на „A Simple Favor“
Инспирирана од својата улога во „A Simple Favor“, Блејк Лајвли сите стајлинзи за промовирањето на својот нов филм ги гради околу елегантни и шик костуми.
Па така, на премиерата во Лондон, 31-годишната актерка се појави во розов костум од Ралф Лорен. Својот стилски избор, Лајвли го надополни со обувки од Кристијан Лобутин и накит од Лорејн Шварц.
Блејк е една од ретките холивудски ѕвезди кои немаат личен стилист. Таа поседува одлично чувство за мода и постојано добива комплименти за своите стилски избори.
На црвениот тепих, Блејк позираше со својата колешка Ана Кендрик.
