Дедо Мраз, Мики и Мини Маус и суперхероите ги изненадија малите пациенти на Детската клиника во Скопје

Малите пациенти на Клиниката за детски болести во Скопје добија предновогодишно изненадување.

За време на нивниот болнички престој, тие добија посета од Дедо Мраз, Мики и Мини Маус, Спајдермен, Супермен и синиот Рејнџер. Овие детски херои со јажиња се спуштија на Клиниката за да им подарат насмевки и подароци на болните дечиња.

Оваа иницијатива се реализира веќе петта година од вработени во Црвениот Крст на град Скопје.

„Да подариме насмевка. Волонтерите на Тимот за одговор при катастрофи – Тим за спасување на планина, облечени во костимите на детските херои, Спајдермен, Бетмен, Мини Маус и Супермен, а потпомогнати од Дедо Мраз, со јажиња се спуштија на Клиниката за детски болести во Скопје. На малите пациенти им подарија насмевки и новогодишни пакетчиња за претстојните празници“ – стои во описот на фотографиите споделени од Црвениот крст на Facebook.