Натпреварувачите во „X Factor Adria“ вечерва беа исправени пред уште една елиминација.
Никој не можеше да го тргне погледот од Даниел Кајмакоски додека тој го пееше македонскиот хит „Сонце не ме грее“ од Влатко Лозаноски – Лозано. Со својата изведба, 30-годишниот пејач, кој за кратко време го освои Балканот, привлече доволно гласови за да продолжи да изненадува на големата сцена.
Фифи и Маринела Џогани се обидоа да го задржат вниманието на гледачите со „Čuvam te“ од Александра Радовиќ, но нивната изведба не наиде на голема поддршка во текот на 30-минутното гласање. „H2O“ и Александра Секулиќ добија најмал број гласови и за нив остана вечерашниот музички двобој.
Фифи и Маринела се обидоа да се спасат со „I Follow Rivers“. Сепак, на крајот жирито одлучи токму тоа да биде нивниот последен настап во шоуто.