Викторија Бекам покажа дека ниту патерици не би ја спречиле да носи високи потпетици. Славната дизајнерка беше фотографирана додека се движеше кон автомобил за да ја напушти британската метропола.
Патериците ѝ помагаа на Викторија да се движи откако се здоби со мала фрактура.
Само неколку часа подоцна, таа беше видена без помагалата на меѓународниот аеродром Џон Кенеди во Њујорк.
Викторија отпатува во Големото јаболко за заедно со Дејвид да го прослават роденденот на нивниот најстар син Бруклин. И за роденденското излегување, 43-годишната поранешна пејачка носеше креации од нејзината колекција pre-fall 2018.
Вчера, Викторија беше забележана од папараците во црна комбинација која повторно го носи нејзиниот потпис.
