Дамијано Давид и Дав Камерон конечно ја потврдија веридбата, таа го покажа големиот дијамантски прстен

Дамијано Давид и Дав Камерон ги потврдија гласините дека се верија.

26-годишниот фронтмен на Måneskin и 29-годишната ѕвезда на Дизни споделија фотографии од новогодишната прослава со кои ја потврдија нивната веридба. Дав го покажа големиот дијамантски прстен со кој Дамијано ја запроси.

„Оваа ќе биде прекрасна година“ – напиша евровизискиот победник.

„Мојот омилен ден од тоа да сум жива. Среќна Нова година“ – стои во објавата на Дав.

Веста за веридбата на славниот пар одекна уште на крајот од октомври, но тие ја немаа јавно потврдено. Тогаш, парот беше „уловен“ во Сиднеј, Австралија, а на левата рака на Дав блескаше дијамантскиот прстен.

Дамијано и Дав ја започнаа својата романса во 2023 година, кога Камерон првпат беше видена на концерт на Måneskin во Њујорк. Нивната врска стана јавна во февруари 2024 година, кога заедно се појавија на гала вечера во пресрет на доделувањето на Греми наградите.