Дами на различна возраст облекоа исти модни комбинации за да покажат дека добриот стил не познава возрасна граница

Многу луѓе се потпираат на стереотипите кои преовладуваат во општеството кога избираат каква облека да носат. Честопати се смета дека жените во 50-тите години треба да ги избегнуваат фармерките или дека на девојките во 20-тите години не им прилегаат класичните костуми, зашто ги прават постари.

Стилистот Ирина Поњакина ги руши овие стереотипи и докажува дека добриот стил не познава возраст. За да покаже дека секое парче облека може да се носи во секое доба од животот, 48-годишната Русинка направи експеримент.

Таа ги облече истите модни комбинации како и 29-годишната Ана и 26-годишната Дарија. Од фотографиите може да се види дека тие на неа изгледаат исто толку добро како и на помладите девојки.