Дама во силни бои: Викторија Бекам во црвено-сина комбинација привлекуваше погледи во Њујорк

Плакарот на Викторија Бекам претежно содржи облека во неутрални нијанси, а доминира црната боја. Но, вчера 42-годишната дизајнерка ги изненади своите фанови откако го напушти својот хотел во Њујорк во комбинација од силни бои.

На фотографиите, славната сопруга на Дејвид Бекам носи црвена блуза од сопствената колекција и сини панталони со должина над глуждовите. Иако во медиумите се пишуваше дека Викторија повеќе нема да носи високи потпетици, таа покажа дека тоа се само шпекулации, надополнувајќи го својот изглед со кремови сандали со висока потпетица.

Викторија е мајка на четири деца – 17-годишниот Бруклин, 13-годишниот Ромео, 11-годишниот Круз и 4-годишната Харпер.