Запознајте ја Марина Ди Гвардо, мајката на популарната блогерка Кијара Ферањи која непрекинато привлекува обожаватели со стилот на облекување и пишување.
61-годишната италијанска авторка на новели постојано патува низ светот со своите три ќерки Валентина, Кијара и Франческа, споделувајќи совети и искуства поврзани со местата кои ги посетува.
„Парите потрошени на патување се најдобрата инвестиција која можете да ја направите“ – вели таа.
Иако веќе чекори во седмата деценија од животот, Марина не се плаши да експериментира со облеката, докажувајќи им на своите 682 илјади следбеници дека годините се само обична бројка.
Трите ќерки на Марина можат да се пофалат со голема популарност на Instagram. Кијара ја следат речиси 30 милиони фанови, Валентина има 4,5 милиони фанови, а Франческа ја следат речиси 1,5 милиони лица.
„Мојата единствена грижа беше моите ќерки да се смирени и среќни со она што го прават. Никогаш не сум им давала преголема вредност на парите. Тоа не е она што ќе ги усреќи. Ме смирува тоа што трите избраа професии кои не ги изложуваат на ризик да бидат злоупотребени“.
„Секогаш сум им кажувала на моите девојки Валентина, Кијара и Франческа дека никогаш не треба да прифаќаат ништо друго освен вистинска љубов и дека почитта е клучна. Ова е нешто на кое треба да ги учиме нашите деца секој ден“ – вели Марина.
