Џин Џенкинс е обожавателка на модата која покажува дека годините се само цифра и цели да ги инспирира жените да експериментираат со облеката.
Иако набрзо ќе зачекори во осмата деценија од животот, таа не дозволува годините да ѝ се одразат на изгледот. Својот стил Џин го опишува како „модерен, но соодветен за возраста“.
„Секогаш барам интерпретации на најновите стилови соодветни за мојата возраст. Црпам идеи онлајн, најмногу од блогови, модни сајтови и Instagram. Прилично сум добра во визуализирањето како различните парчиња ќе си одговараат“ – вели таа.
Нејзин совет до сите жени е: „Бавно градете ја вашата самодоверба. Не експериментирајте со повеќе нешта истовремено, туку едно по едно. Ако тоа е вистинското за вас, ќе слушате комплименти, а тоа ќе ви даде самодоверба да испробувате нови нешта.“
