„Да живее Македонија“: Танчарката Ева Карамановска одушеви на Светското првенство во латино танци
Ева Карамановска ги украде сите симпатии на Светското првенство во латино танци кое од 18 до 23 ноември се одржуваше во Арената „Борис Трајковски“ во Скопје.
Младата танчарка од студиото „Данса Латина Стефи“ се појави на сцената облечена во креација инспирирана од македонското знаме и имаше емотивен настап кој стана хит на социјалните мрежи.
„Денес на светското првенство во латино ечеше македонска песна. Спојот на традиционалното со модерното ја крена цела сала на нозе. Емоција која вреди да се доживее. Да ја зачуваме традицијата, македонскиот јазик, споменот на нашиот Тоше. Заслужен пласман во полуфинале. Да живее Македонија“ – стои во објавата на Студиото за танци.
Ева сподели и фотографии на Instagram:
ФОТО: Instagram / Studio Dansa Latina Stefi, Eva Karamanovska