„Да не гледате со други очи кон овие деца“: Перо Камиказа од „Меморија“ за емотивна средба со дете со Даунов синдром
Петар Георгиевски, познат како Перо Камиказа, раскажа за слатка средба со дете која му покажало дека љубовта на лицата со Даунов синдром е безусловна.
64-годишниот музичар, кој е еден од основачите на групата „Меморија“, ја сподели случката на својот Facebook профил и стана вирален хит.
Еве го неговиот статус:
Вчера одам кај Др-Благица од Биком и таму едно дете со Даунов синдром почнува да ме гушка. Му возвраќам со иста мера, а тој радосен уште појако ме стиска. Седиме така прегрнати, кога на албански баба му му зборува нешто, но тој не ја констатира.
Самиот ме пушта од прегратката после некој момент и за време на целата терапија ме ѕиркаше! На излегување повторно ме гушна и ме испрати до моторот! Гајле му беше него од која националност сме двајцата! Битно си разменивме неверојатна космичка енергија! Не ми е првпат ваква случка! Да не гледате со други очи кон овие деца , тие се исти ко нашите, само имаат посебен сенс и потреба за љубов од луѓе што тие ќе ги осетат!
Во коментарите многумина додадоа дека лицата со Даунов синдром го имаат најчистото срце и гушкаат со цела душа.