Синоќа беа доделени наградите Еми за најуспешните во телевизиската индустрија.
Драмата „The Crown“ беше големиот победник на вечерта и на екипата која работеше на неа ѝ донесе вкупно 11 статуетки. Серијата за животот на кралицата Елизабета победи во категоријата Најдобра драмска серија.
За одличното портретирање на кралицата, Оливија Колман ја присвои наградата за Најдобра актерка во драмска серија, а нејзиниот колега Џош О’Конор за Најдобар актер во драмска серија.
За Најдобра лимитирана серија беше прогласена „The Queen’s Gambit“.
Во категоријата Најдобра актерка во лимитирана серија победи Кејт Винслет, додека во машка категорија, наградата му припадна на Еван МекГрегор.
„Ted Lasso“ доминираше во категориите посветени на комедијата. ТВ серијата беше прогласена за Најдобра хумористична серија.
За улогата во истата, Џејсон Судејкис ја освои наградата за Најдобар актер во хумористична серија, Брет Голдстин за Најдобар актер во споредна улога во хумористична серија, додека Хана Ведингем за Најдобра актерка во споредна улога во хумористична серија.
За Најдобра актерка во хумористична серија беше прогласена Џин Смарт за улогата во „Hacks“.
Целосната листа на победници можете да ја видите тука.