„Cosmopolitan“ ја слави 50-годишнината од своето постоење, а за да го одбележи овој јубилеј, ги покани сестрите Кардашијан, сестрите Џенер и нивната мајка Крис за фотосесија.
Популарното списание доби критики, бидејќи во описот на насловната страница со ѕвездите од шоуто „Keeping Up with the Kardashians“ стои „Првото семејство на Америка“. Многумина упатија остри зборови до уредниците на списанието и посочија дека ваквата постапка е знак на непочитување на семејството Обама.
Ким, Клои, Кортни, Кендал, Кајли и Крис позираа во бели кошули за заедничката фотосесија за која бил ангажиран фотографот Франческо Кароцини. Шеснаесет страници од ноемвриското издание ќе бидат посветени на славното семејство.
Негативните коментари за списанието како вирус се шират на социјалните мрежи, особено на Twitter.
