Ким Катрал се омажи. Популарната актерка стапи во брак со 14 години помладиот Расел Томас.
Парот се венча на интимна церемонија со само 12 гости во Лондон. Според People, малата венчавка ја рефлектирала желбата на младенците за интимност и автентичност.
Невестата беше облечена во отмена креација од Диор и носеше шапка од Филип Трејси. Стајлингот е дело на нејзината долгогодишна пријателка и соработничка Патриција Филд.
69-годишната ѕвезда од „Сексот и градот“ и 55-годишниот аудио инженер се запознале во 2018 година и оттогаш се неразделни.
„Се чувствувам многу комфорно во негово друштво. Тој е вистински шегаџија и има откачена смисла за хумор. И е пријатен за око!“ – има изјавено таа.
Ова е четврти брак на Картал. Холивудската ѕвезда беше во брак со Лери Дејвис од 1977 до 1979 година, со Андре Лисон од 1982 до 1989 година и со Марк Левинсон од 1998 до 2004 година.