Подгответе си марамчиња, бидејќи емоциите кои зрачат од следните фотографии ќе ви ги насолзат очите и ќе ве разнежнат.
На нив, овековечен е моментот кога бабата Пени за првпат ќе ја здогледа внука си Џордин во истиот невестински фустан, кој самата таа го носела на својата свадба пред 55 години.
Невестата не ѝ кажала на баба си дека планира да го носи нејзиниот невестински фустан, сè до последниот ден пред свадбата. Тогаш била создадена емотивната фотосесија.
„Не сакав таа првпат да го види фустанот кога ќе чекорам до олтарот“ – рекла Џордин. „Таа започна да плаче и да се потсетува на сите спомени од свадбата“ – додала таа, опишувајќи го моментот.
