Брус Вилис ретко може да се види во јавност поради напредувањето на неговата болест.
Сред битката со деменција, 70-годишниот актер беше фотографиран на прошетка во Лос Анџелес придружуван од неговиот негувател. Брус изгледаше расположено, дури и се смееше во еден момент од прошетката, а папараците го „уловија“ тој момент
Ѕвездата од „Die Hard“ се повлече од глумата во 2022 година и соопшти дека му била дијагностицирана афазија. Подоцна, беше соопштено дека станува збор за фронтотемпорална деменција.
Според информациите во странските медиуми, Брус се иселил од семејниот дом и сега живее во посебна куќа каде што добива нега 24/7.
Пред два дена се одржа настан во чест на Брус, на кој присуствуваше и неговата поранешна сопруга Деми Мур, со која останаа пријатели по разводот. Тие имаат три ќерки.
Брус сега е во брак со Ема Вилис, со која има уште две ќерки.
