Бруклин Бекам го прослави 27-миот роденден со сопругата, Викторија и Дејвид со слатки објави и покрај несогласувањата
Бруклин Бекам наполни 27 години.
Синот на Дејвид и Викторија го прослави роденденот во друштво на својата сакана сопруга Никола Пелц. Тие споделија заедничка фотографија и видео од роденденското изненадување за среќниот славеник.
Среќен роденден, љубов моја 🎂🩷 Се надевам дека сите твои соништа и желби ќе се остварат! Ти ја осветлуваш секоја просторија во која влегуваш и секој кој те познава, те сака 🥹 Ти си најпосебниот човек и обожавам што сум твоја сопруга. Те сакам, те сакам, те сакам. 💖- напиша Никола.
Иако семејните тензии и понатаму се во центарот на вниманието, неговите родители не пропуштија да го одбележат овој важен за нив ден, денот кога станаа родители.
И Викторија и Дејвид на Instagram Story објавија стари фотографии од детството на Бруклин. Дејвид го нарече со неговиот детски прекар „Buster“, додека Викторија му порача дека многу го сакаат и му посака прекрасен ден.
Неговите браќа, Ромео и Круз, исто така не пропуштија да го одбележат овој важен ден. Тие споделија заеднички фотографии од времето кога беа мали деца.
