Xiao Aiying во болница со модринки по раката
Жена во осмиот месец од бременоста била прво тепана, а потоа извлечена од нејзиниот дом за да ѝ биде направен абортус, затоа што го прекршила кинескиот закон за едно дете во семејство.
Нечовечната постапка ја спровеле 12 претставници на власта. Тие влегле во домот на 36-годишната Xiao Aiying и ја удирале и клоцале по стомакот. Потоа ја однеле во болница, каде ѝ била дадена инјекција со која било убиено нејзиното неродено дете.
Нејзиниот сопруг вчера го опишал моментот кога претставниците на власта влегле во нивниот дом:
„Тие ѝ ги држеа рацете зад грб, ја турнаа со главата во ѕидот и ја удрија по стомакот. Не знам дали се обидуваа да направат да пометне.“
„Нашата 10-годишна ќерка беше многу возбудена за тоа што ќе има братче или сестричка, но сега не знам како ќе ѝ објаснам што се случи.“
Немилиот настан се случил на 10-ти овој месец. Доказ за физичкото насилство е фотографијата на која е прикажана бремената Xiao Aiying со огромни модрици на раката. Фотографијата е направена во болницата, откако ѝ била ставена инјекцијата која го убила нејзиното дете.
„Го имав ова бебе, го чувствував како мрда во стомакот. Можете да си замислите како се чувствувам сега“ – изјавила таа.
Сигурно ова е само едно од многуте семејства кои во Кина страдаат од строгите закони. Проценето е дека Законот за едно дете во семејство води до 13 милиони абортуси годишно, а многу од нив се случуваат по наредба на властите.