Бредли Купер сака да се ожени со Џиџи Хадид, ја побарал нејзината рака од мајка ѝ и ќе прават свадба во 2026 година

Врската на Бредли Купер и Џиџи Хадид се продлабочува.

50-годишниот актер планирал да се ожени со 30-годишната манекенка следната година. Наводно, тој веќе ја побарал раката на својата сакана од нејзината мајка.

Според извор на Daily Mail, актерот разговарал со мајката на Џиџи, Јоланда, за да ѝ предложи брак.

„Бредли ја побара раката на Џиџи од Јоланда. Тој сака таа да знае колку е сериозен во врската со Џиџи и дека планира да изгради стабилно семејство со неа во Њујорк.“

„Нејзината мајка целосно се согласува, па тоа беше лесен чекор. Но, Џиџи да му каже на својот татко дека сака да се омажи за Бредли е голем чекор. Тоа ја прави работата многу поофицијална“ – рекол изворот.

Парот пред три дена присуствуваше на претставата „Waiting for Godot“ на Бродвеј.

Џиџи го запозна Бредли на детска роденденска забава на која присуствувале нивните ќерки. Тие се во врска од октомври 2023 година.

Бредли претходно беше во врска со моделот Ирина Шајк со која се раздели во 2019 година. Џиџи пак раскина со Зејн Малик во 2021 година по 5 години врска.