Насловната страница на ОК со Џоли и Пит.
Приказните за најпопуларниот холивудски пар никако не стивнуваат. Најновата вест, објавена ексклузивно од списанието ОК, е дека Бред Пит и Анџелина Џоли ќе стапат во брак само за да ги задоволат нивните деца.
Уште од моментот кога биле доволно возрасни да разберат дека Бред и Анџелина не се официјално маж и жена, шесте деца на славниот пар сакале нивните родители да направат свадба – пишува ОК, потпирајќи се на изјава на анонимен извор.
„Прво беше Медокс, кој со години ги молеше своите родители да стапат во брак. Во последно време, Шило и Захара му се придружија, а Пакс мисли дека би било најкул тој да им ги носи прстените“ – пишува ОК.
Најверојатно во оваа одлука прсти има вмешано и мајката на Бред Пит, која што неодамна помина неколку дена со своите внуци.
Дали ова е вистина или само шпекулација, ќе се дознае наскоро.