Бразилската фудбалска легенда Роналдо стапи во брак со 14 години помладата манекенка Селина
Поранешниот бразилски фудбалер Луис Назарио де Лима Роналдо по четврти пат заплива во брачните води.
47-годишниот легендарен спортист стапи во брак со 33-годишната Селина Локс на Ибица. Парот направи интимна прослава во село, каде што Роналдо поседува куќа.
Младенците објавија фотографија од важниот ден и напишаа:
„Денес ги собравме нашите семејства за интимна религиозна прослава и со тоа го означивме почетокот на недела со многу прослави“.
Невестата носеше креација од Jacquemus, додека за свеченоста Роналдо избра костум од Armani. Својот изглед, Селина го надополни со накит од Tiffany & Co.
Парот ја објави својата веридба во јануари.
