Браво! Градинарот Андреј исчисти и уреди запуштен двор на снемоштен маж кој не може го одржува сам
Андреј Рајатоски, познат како Градинарот, ни одржа лекција по вистинска хуманост.
Добродушното момче со многу труд и љубов уреди двор на снемоштен маж кој не може сам да го направи тоа, а притоа имаше помош од волонтери од Црвен крст. Нивниот гест стопли илјадници срца на социјалните мрежи.
„Денеска направивме едно добро дело, уредивме двор на човек кој што не може сам да го направи тоа. Човекот ни дозволи да снимаме но не сака да се знае неговото име и презиме, па би ве замолил сите да го почитуваме тоа и доколку го познаете местото или човекот тоа да не го пишувате“ – напиша Андреј.
Андреј е познат по тоа што сам уредува јавни површини. Во интервју за Фемина, тој изјави дека многу го изненади тоа што луѓето не верувале дека тоа го прави бесплатно.
„Најмногу ме изненади тоа што луѓето прво не веруваат дека е бесплатно. Често мислат дека има некој скриен интерес или проект позади.“
„Не сè мора да има финансиска причина. Некои работи ги правиш затоа што сакаш да оставиш нешто подобро зад себе и затоа што те исполнува“ – изјави тој.