Браво! 6-годишно момче од Србија ги продава своите играчки за да собере пари за болни дечиња

Никола Јовиќ има детско срце големо колку планина.

Шестгодишното момче од Сремска Митровица со денови седи на улицата пред семејната менувачница и ги продава своите играчки. Неговата цел е да собере пари со кои ќе им помогне на болни дечиња во нивното лекување.

Хуманото момче рекло дека не му е тешко да се одвои од своите играчки, бидејќи знае дека со тоа некому ќе помогне.

Идејата на момчето се јавила откако видел кутија за донации во менувачницата и ја прашал мајка си за што е наменета.

„Ја видов кутијата во која мајка ми собира пари за болни деца, па добив идеја да ги продавам играчките за да соберам пари за болните деца и за нивните лекови“ – вели добродушното детенце.

Тој досега има собрано 4.000 динари, а негова цел е да обезбеди најмалку 10.000 динари.

Видео:

Фотографии: Facebook / Regionalna Sremska Televizija