Јелена Кицара е девојка од Куманово која на само 14-годишна возраст веќе има свој моден бренд и сонува еден ден да стане позната дизајнерка.
Младата девојка организираше своја ревија во Домот на културата во својот град и ги презентираше креациите со кои се гордее.
Покрај ревијата на JK.Designs.Official на настанот се одржа и изложба на нејзините модни илустрации.
„За присутните, тоа беше повеќе од само модна ревија, тоа беше искуство кое ги слави безграничните можности на младоста и креативноста. Преку нејзините дизајни, JK.Designs.Official докажа дека возраста не е пречка за талентот и дека страста не познава граници“ – стои во официјално соопштение за ревијата.
