Пред два месеци, Ристо Меловски, познат како диџеј Ицко, ја загуби битката со коронавирусот.
Неговиот брат Владимир успеа да се избори со болеста КОВИД-19 и деновиве донираше крвна плазма за да им помогне на оние кои имаат потреба.
Министерството за здравство сподели фотографија од Владимир, заедно со негова порака во која опишува дека донира крвна плазма во спомен на покојниот брат.
„Дарував крвна плазма во спомен на мојот брат Ристо Меловски - ДЈ Ицко кој ја загуби битката со ковид-19. Решен сум да помогнам на сите оние кои во овие моменти имаат потреба од помош. Очекувам повик и за второ дарување бидејќи имам многу антитела. Како крводарител и хуман човек се надевам дека ќе го пратат мојот пример и потреба за победување на оваа болест“ – стои во описот.
Диџеј Ицко почина на 48-годишна возраст како последица на компликации од коронавирусот.
