Диор „нароси“ празнична магија низ целата стоковна куќа „Harrods“ во Лондон, каде моментално се наоѓа нивниот бутик.
Француската модна куќа го украси целиот објект и го трансформираше во голема „слатка“ куќа, инспирирана од популарните куќарки од колачи со ѓумбир.
Сето ова е за поп-ап изложбата „The Fabulous World of Dior“, на која на интересен начин ќе бидат презентирани креации од врвната модна куќа. Истата ќе трае до 3 јануари 2023 година, а во меѓувреме ќе биде вистинска атракција за минувачите и омилена дестинација за празнични Instagram фотографии.
