Ева Лонгорија ја покажа одличната фигура на фотографии од нејзиниот празничен одмор со синчето Сантијаго, сопругот Хозе Пепе Бастон и поќерката Наталија.
49-годишната актерка ја замени топлата зимска облека со бикини и уживаше на плажа со најмилите.
„Надвор од канцеларијата“ – напиша таа во описот на божиќните фотографии, на кои се забавува со 6-годишното синче, 56-годишниот сопруг и 28-годишната поќерка.
Ева и Хозе се верија во декември 2015 година откако се запознаа на состанок договорен од заеднички пријател. Тие стапија во брак во мај 2016 година, а нивното прво дете се роди во 2018 година.
Хозе претходно беше во брак со мексиканската актерка Наталија Есперон со која има четири деца – Наталија и тројката Маријана, Хозе и Себастијан.
