Аида Ѓапо, позната и како Ида ван Мунстер, е харизматична девојка со порцеланско лице која е заљубена во златната ера на Холивуд. 24-годишната блогерка од Босна е опседната со винтиџ облека, пинап шминка и сè што е поврзано со периодот од 20-тите до 60-тите години.
„Винтиџ стилот е мој начин на изразување на мојот карактер и чувствата. Тоа прави да се чувствувам комплетно, слатко и секси и ми ја дава самодовербата по која копнеев долго време“ – вели Ѓапо која неколку години привлекува обожаватели со блогот Idda van Munster.
Аида својата инспирација ја црпи од филмовите, музиката, модата и дами како Елизабет Тејлор, Ава Гарднер, Џинџер Роџерс, Дороти Хоран и Сузи Паркер.
„Од кога се сеќавам за себе не сакав да се облекувам на ист начин како останатите. Отсекогаш бев бунтовник“ – објаснува Ѓапо, која минатата година беше прогласена за најубава жена на светот според „Beautiful Women“.
Накратко отпатувајте во минатото и заљубете се во беспрекорниот стил на убавата девојка преку нејзините највпечатливи фотографии.
