Марта Ортега и Карлос Торета се заколнаа на вечна љубов. Ќерката на основачот на брендот Zara, Амансио Ортега, и синот на дизајнерот Роберто Торета стапија во брак на интимна церемонија во Ла Коруња, Шпанија.
27-годишната наследничка го изговори судбоносното „ДА“ во венчаница од модната куќа Валентино. Дизајнерот Пјер Паоло Пичоли за фустанот изјави: „Низ овој дизајн, сакав да пренесам чувство на необичен романтизам, исполнет со леснотија, свежина... Сакав да биде светол како аурата на невестата, да не биде само фустан, туку нешто што ќе ја претставува магијата на моментот“.
Свадбените портрети на парот се направени од фотографот Питер Линдберг.
По венчавката, младенците се упатија на прослава за која Марта носеше црна комбинација.
Таткото на невестата чекореше со широка насмевка. 82-годишниот милијардер е вториот најбогат човек во Европа и петти на листата на најбогати луѓе во светот.
За втората прослава, која се одржа следниот ден, Марта носеше две креации. Coldplay беа задолжени за музичкиот дел на забавата.
