Тамара Калиниќ со беспрекорен стил пловеше низ редица свечености кои се одржаа во рамките на Канскиот филмски фестивал.
Популарната блогерка, која потекнува од Србија, чекореше на црвениот тепих, посети хуманитарни гали и сето тоа го документираше во свој влог.
Пред прикажувањето на филмот „Les Intranquilles (The Restless), 32-годишната вљубеничка во модата шармираше во „сирена“ фустан од високата мода на Тони Вард.
На црвениот тепих по повод премиерата на „France“, таа изгледаше елегантно во жолта креација од Оскар де ла Рента.
Темата на годинешната хуманитарна гала на amfAR беше „Како филмска ѕвезда“, па Тамара избра екстравагантен вечерен фустан со пердуви од либанската модна куќа Nicolas Jebran.
Гламурозните авантури на Тамара на француската ривиера започнаа со хуманитарната гала на Naked Heart Foundation.
Црниот фустан е од Александра Рич, накитот од Bulgari, а сандалите од Jimmy Choo.
