Модна блогерка обожава да ги комбинира парчињата облека кои ги има во својот плакар за да создаде модерни комбинации кои им ги нуди на своите фанови.
Како обожавателка на секојдневните комфорни стајлинзи, Нита Стерлинг има привлечено повеќе од 620 илјади фанови. Таа се залага за „одговорна мода“ и преферира да ги користи повеќепати моделите кои веќе ги поседува, наместо да купува нови, грижејќи се за планетата. За таа цел, се насочува кон покласични модели кои може лесно да се комбинираат на различни начини.
„Посвесна сум од порано за носењето на она што веќе е во мојот плакар и не се предавам на таканаречените ‘трендови’, бидејќи тие на одговараат на оној дел од мене кој се обидува да направи нешто за да помогне во спасувањето на планетата.“
„Мислам дека некласичните модели нема да го издржат тестот на времето. Ги гледам тренди моделите на Instagram и искрено ми се здодевни кога толку многу луѓе го носат истото нешто“ – вели таа.
Нита во минатото работела во IT секторот, но морала да даде отказ од работа за да се концентрира на 12-годишниот син, кој има аутизам. Дијагнозата му била поставена на 4-годишна возраст.
Честопати, Нита комбинира исто парче облека на многу различни начини.
