Блогер наиде на остри реакции заради текст во кој ја исмејува Ријана за зголемената тежина

Крис Спањуоло стана мета на бран остри коментари откако објави шовинистички текст во кој ја исмејува и навредува Ријана за тежината и изразува загриженост дека заради неа, дебелината ќе станела тренд кој пред летото ќе го следеле и другите девојки.

Верувале или не, насловот на текстот во кој тој вели дека Ријана изгледа како да носи „сумо костим“ е: „Дали Ријана ќе направи дебелината да биде новиот жежок тренд?“

Фотографии од вечерно излегување на Ријана го поттикнале Крис да го напише текстот.

„Ја гледаш дека турка кон 80-ката и тешко е да се голтне тоа. Со толпата која ја прифаќа дебелината и ставот „сакај ме каква што сум“, дефинитивно можам да замислам женски кои ја гледаат Ријана со силен цитат како „Не ми е гајле, едноставно обожавам пица“ кој ќе стане вирален и бам ќе завршиме во свет во кој сите жешки девојки ќе изгледаат како луѓето од Wall-E. И тоа токму за летото. Може да е на повидок свет со дами со облик на Хинденбург протнати во едноделни костими за капење сега кога Ријана се расшетува наоколу изгледајќи како да е во сумо костим“ - пишува Крис.

Откако започнаа да се нижат критиките кон авторот, текстот беше избришан.

Delete this shit! You're out of line. pic.twitter.com/72x13kS3A4

— C.Steward (@CandidlyCrystal) May 30, 2017

Веќе извесно време на социјалните мрежи се споделуваат коментари за тежината на Ријана. Додека некои фанови ѝ упатуваат комплименти, други шират шпекулации дека е бремена.