Војвотката Кетрин и принцот Вилијам од Белизе отпатуваа на Јамајка каде ја продолжуваат карипската турнеја која ќе им заврши на Бахамите.
Кралскиот пар беше свечено пречекан додека низ државата сè погласно станува движењето за барање од британската монархија да исплати репарации за ропството. Јамајка годинава слави 60 години независност.
40-годишната Војвотка мамеше погледи со фустан во ведра сончева боја која се асоцира со знамето на Јамајка. Креацијата ја потпишува српската дизајнерка Роксанда Илинчиќ, а Кетрин ја надополни со обувки од брендот Aquazzura и чантичка од Салваторе Ферагамо.
Посетата на Вилијам и Кетрин е проследена со протести чија цел е раскинување на врските со британската монархија.
