Блејк Лајвли непрепознатлива со запуштен изглед за филм, Рајан Рејнолдс веднаш се пошегува со неа
Блејк Лајвли е фокусирана на работните ангажмани. Откако заврши со промовирањето на филмот „All I See Is You“, 30-годишната пејачка веднаш започна со снимањето на новиот проект „The Rhythm Section“.
На папараци фотографиите направени на сетот во Даблин, Лајвли изгледа непрепознатливо.
Бидејќи секогаш зрачи со холивудскиот гламур, многумина беа шокирани од запуштениот изглед на славната актерка за филмот.
Сопругот на Блејк, Рајан Рејнолдс, сподели фотографија од неа и во описот се пошегува дека таа така изгледа „без филтер“. Блејк и Рајан се познати по нивната смисла за хумор и шегите кои си ги прават меѓусебно.
Блејк ја има главната улога во „The Rhythm Section“. Шармантната актерка ќе глуми жена која сака да им се одмазди на лицата виновни за авионската несреќа во која загина нејзиното семејство.
