Блејк Лајвли, актерката која го освои светот со својата улога на Серена ван дер Вудсен во серијата Gossip Girl, е новото лице на познатиот моден бренд Шанел.
Оние кои одблиску ги следат модните случувања воопшто нема да бидат изненадени од оваа вест, затоа што во последно време Блејк честопати е во друштво на дизајнерот Карл Лагерфелд. Во јули таа беше во првиот ред на ревијата за претставување на колекцијата Fall/Winter 2010-2011 couture, а во септември присуствуваше на отворањето на бутик на Шанел во Сохо.
Освен тоа, Блејк три пати ја красеше насловната страна на списанието Вог, што е доказ за нејзиното чувство за стил. Нејзините појавувања на црвениот тепих секогаш се следени од сите модни блогери и најчесто Блејк добива само позитивни коментари за нејзиниот избор на облека.
23-годишната актерка веќе го посетила Париз каде што ја снимила рекламната кампања за чанти. Се претпоставува дека кампањата ќе биде лансирана уште во почетокот на 2011г.