Блејк Лајвли и Рајан Рејнолдс со широки насмевки им се вратија на големите свечености по скандалот со Џастин Балдони.
37-годишната актерка и 48-годишниот актер за првпат се појавија на јавен настан по заемните тужби со режисерот на „It Ends With Us“.
На јубилејното издание по повод 50-годишнината од „Saturday Night Live“, Блејк ги истакна своите облини во светкава креација од Тамара Ралф додека Рајан носеше класичен црн костум со лептир машна.
Последното нивно појавување претходно беше во август 2024 година на премиерата на „It Ends With Us“ во Њујорк.
За време на настанот, Рајан се пошегува за ситуацијата во неговиот живот. Запрашан од водителките како е, тој одговори: „Супер, зошто, што имате слушнато?“, алудирајќи на случувањата поврзани со продукцијата на „It Ends With Us“.
Audience Q&A with Amy Poehler and Tina Fey! #SNL50 pic.twitter.com/XYqXMddhS9
— Saturday Night Live - SNL (@nbcsnl) February 17, 2025
Меѓу присутните гости беа голем број познати личности како: Ким Кардашијан, Пол Мекартни, Шер, Том Хенкс, Стивен Спилберг, Џејсон Момоа и Кевин Костнер.
Само за потсетување, Лајвли во моментов се тужи со Балдони во мултимилионски спор за случувањата на сетот на „It Ends With Us“. Лајвли го обвини својот колега за сексуално вознемирување и оцрнување на нејзиниот имиџ, а тој поднесе контра тужба од 400 милиони долари против неа и сопругот Рејнолдс.
