Блејк Лајвли се чини не може да погреши кога станува збор за стилот. Харизматичната трудница блесна со уште еден моден погодок во рамките на промотивната турнеја за филмот „The Shallows“.
28-годишната актерка, која е бремена со второто дете, привлекуваше погледи и комплименти со забавен стајлинг кој вклучуваше фустан од Версаче и сандали од Џузепе Ѕаноти.
Пред два дена се одржа премиерата на „The Shallows“ во Њујорк. На темносиниот тепих, Лајвли зачекори во впечатлив фустан од Каролина Ерера и обувки од Кристијан Лобутин.
За забавата по премиерата, славната сопруга на Рајан Рејнолдс го истакна својот сексапил со тесна асиметрична креација од Давид Кома и чевли од Лобутин.
