Ли-Ен Пинок приреди несекојдневен момент на Лондонската модна недела.
34-годишната пејачка, која го очекува своето трето дете, дефилираше на ревијата на дизајнерската куќа Di Petsa со креација инспирирана од доењето и мајчинството.
Поранешната членка на Little Mix на пистата се појави во бела комбинација со широки панталони и градник кој ѝ го отскри трудничкото стомаче. Градникот имаше вградени чашки кои испуштаа течност, создавајќи впечаток на лактација за специјален сценски ефект.
Од модната куќа објаснија дека креацијата е замислена како посвета на мајчинството, претворајќи еден интимен момент во дел од модниот спектакл.
Дефилирањето на Пинок на ревијата поттикна бројни коментари. Додека едни коментираа дека ова е „смешно“ и „апсурдно“, други ја пофалија заложбата на брендот за нормализирање на доењето.
За популарната музичарка ова е особено специјален период. Таа и фудбалерот Андре Греј веќе се родители на близначки, кои ги добија во 2021 година, а во јули ја објавија веста дека го очекуваат третото дете.
Пинок и Греј се венчаа во 2023 година, а пејачката во повеќе наврати има зборувано за одлуката приватниот живот на нивните деца да го држат подалеку од јавноста.
