Бијонсе по една деценија се врати на МЕТ балот со пораснатата ќерка и Џеј Зи, блесна во креација инспирирана од скелет

Бијонсе триумфално се врати на МЕТ балот по една деценија отсуство од најгламурозниот моден настан.

Музичката икона беше придружувана од сопругот Џеј Зи и пораснатата ќерка Блу Ајви, која беше вистинско изненадување на вечерта.

Оваа година, 44-годишната пејачка не само што беше меѓу главните ѕвезди, туку и влезе во улога на ко-претседавач на вечерта. 

На настанот, Бијонсе блесна во креација прекриена со кристали, инспирирана од скелет и направена специјално за неа од дизајнерот Оливие Рустaн.

Фустанот совршено се вклопи во дрес-кодот „Fashion is Art“, а Бијонсе го заокружи изгледот со долга драматична наметка со пердуви.

14-годишната Блу Ајви го имаше своето деби на МЕТ балот, но со тоа го прекрши правилото дека гостите мораат да бидат на возраст над 18 години за да присуствуваат.

„Чувството е надреално бидејќи ќерка ми е тука. Изгледа прекрасно. Возбудена сум што можам да го искусам ова низ нејзините очи“ – изјави Бијонсе за „Вог“.