Бијонсе ја покани пораснатата ќерка Блу Ајви на сцената во Дубаи за нејзиниот прв концерт по 4 години
Бијонсе се врати на музичката сцена со голем концерт одржан во Дубаи.
По повод отворањето на новиот луксузен хотел „Atlantis The Royal“, 41-годишната музичарка имаше приватен концерт на кој присуствуваше целото нејзино семејство. Додека ја изведуваше песната „Brown Skin Girl“, таа ја покани пораснатата ќерка Блу Ајви на сцената.
Дуото мајка-ќерка изгледаше гламурозно. Бијонсе носеше жолта креација од Atelier Zuhra, а 11-годишното девојче беше облечено во црвена блескава креација.
На концертот беше забрането снимање со мобилни телефони, но и покрај тоа, некои кратки видеа се појавија на социјалните мрежи.
На настанот, Бијонсе се појави во златна креација од Долче и Габана.
Според информациите во медиумите, Бијонсе настапувала еден час за 24 милиони долари.
