Доколку страдате од акрофобија (страв од висина), тогаш сигурно ќе го избегнете меѓународниот фестивал „Highline Meeting Monte Piana“. Тоа е состанок на високо за млади авантуристи, кој секоја година се одржува во Монте Пјана, Италија.
Посетителите на овој настан минуваат најголем дел од времето во импровизирани лежалки кои висат на огромна височина над земјата, а се прикачени на карпи.
Локацијата за фестивалот не е избрана случајно. Областа е еден вид на отворен музеј во чест на 18.000 млади војници кои загинале таму за време на Првата светска војна. Сè уште се видливи рововите долги 7 км. Првиот ваков состанок на височина бил организиран во 2012 година и оттогаш се одржува секоја година.
Годинава беа поставени 17 лежалки, во боите на виножитото, како симбол на мир.
Фотографот Себастијан Валутер ги потпишува неверојатните фотографии од „Highline Meeting“. „Штом еднаш ќе влезеш во лежалката, совршено е, добиваш чувство на слобода. И иако си незаштитен, релаксирањето не е проблем“ – вели Себастијан.
Видео:
Па, би спиеле ли во овие лежалки?