Серена Вилијамс е ѕвездата која ја доби насловната страница на августовското издание на Harper’s Bazaar.
37-годишната тенисерка смело позираше во златни креации за фотографиите кои не се обработувани во Фотошоп.
За списанието, Вилијамс објави и есеј во кој зборува за скандалот во финалето на УС Опен минатата година. Таа објаснува дека не можела да пронајде мир по инцидентот и морала да започе терапија. „Ќерка ми е причината поради која повторно зедов рекет в рака“ - вели Серена.
„Уште кога бев мало девојче, чувствував потреба да го искажам своето мислење и да бидам слушната. Никогаш нема да престанам да го повишувам мојот глас против неправдата“ – додава Вилијамс.
Фотографиите ги потпишува Алексиј Љубомирски.