Беспрекорно елегантна: Меланија Трамп со стил ја напушти Белата куќа за последен пат и се збогува со титулата Прва дама

Претседателскиот мандат на Доналд Трамп заврши, а со тоа и Меланија веќе не ја поседува титулата Прва дама на САД. Парот, кој одлучи да не присуствува на инаугурацијата на Џо Бајден, ја напушти Белата куќа под будното око на бројни новинарски екипи.

На последната прошетка по „јужниот тревник“, Меланија беше облечена во целосно црна комбинација.

Под краткото сако со потпис на Шанел, таа носеше фустан од Долче и Габана. Од страна на аксесоари, таа и нејзиниот стилист Ерв Пјер избраа ракавици и очила за сонце од Ботега Венета, обувки од нејзиниот омилен дизајнер Кристијан Лобутин и крокодилска чанта од Ермес.

Во текот на летот кон Флорида, поранешниот модел се пресоблече во ведар фустан од Гучи.

Иако е традиција Првата дама која ја напушта Белата куќа да ја покани новата Прва дама на прошетка низ претседателскиот дом, Меланија не оствари контакт со нејзината наследничка Џил Бајден, за што беше и силно критикувана.