Бела Хадид облече креации од високата мода на Диор, Валентино, Џамбатиста Вали и Шанел за едиторијал за најновото издание на списанието Harper's Bazaar.
За списанието, 21-годишната модна ѕвезда беше интервјуирана од нејзината постара сестра, Џиџи.
Кога Џиџи ја запраша Бела што би ги изненадило луѓето за неа, таа одговори: „Дека не поминува ниту еден ден без да се насмеам. Луѓето секогаш велат дека ги имам истите изрази на лицето. Но, тие не сфаќаат дека долго време изгледав така затоа што фотографите ми даваа инструкции да изгледам како да ми е здодевно или 'многу ноншалантно'. Но, тоа не значи дека сум таква. Ти ме знаеш цел живот. Уште откако бев бебе, секогаш се смеев.“
