Бела Хадид ја прати модната треска низ светот од метропола во метропола и секогаш е во центарот на модните случувања.
Популарниот модел моментално престојува во Париз, каде се одржува неделата на високата мода, а каде претходно беа прикажувани машките колекции на светските брендови.
На машката ревија на Диор, Бела се појави во црн костум од Диор со сако кое ѝ го отскриваше градникот. Нејзиниот стајлинг вклучуваше патики, марама на вратот и минијатурни очила.
На вечерната забава „Le Bal Surrealiste“ организирана од Диор, Бела повторно се појави во креација од оваа француска модна куќа.
21-годишната ѕвезда привлекуваше погледи низ Градот на светлината и во „матрикс“ издание. Впечатливиот мантил го носи потписот на Ралф Лорен.
