Баба Стојна од Крива Паланка го прослави 100-тиот роденден, доби честитки и торта од градоначалникот Митовски

Баба Стојне од Крива Паланка го прослави својот 100-ти роденден.

Големиот јубилеј беше засладен со торта и искрени желби за здравје и мир, кои до баба Стојна лично ги упати градоначалникот Сашко Митовски во име на целата општина.

„Општина Крива Паланка упатува најискрени честитки по повод 100-тиот роденден на нашата најстара сограѓанка, баба Стојна. ❤️

Овој редок и голем јубилеј е повод за гордост за целата наша заедница.

Со искрени желби за добро здравје, мир и благосостојба, ѝ посакуваме уште многу убави мигови исполнети со љубов, внимание и семејна среќа.

Баба Стојна е симбол на истрајност, животно искуство и мудрост, а нејзиниот век е богатство што го почитува и го слави цела Крива Паланка.

Среќен 100-ти роденден! 🎂❤️“ – стои во описот на фотографиите објавени на Facebook профилите на Општина Крива Паланка и на градоначалникот Митовски.