Во мај, сенаторката Лариса Вотерс испиша историја, станувајќи првата пратеничка која доела во австралискиот парламент. Имено, таа беше снимена додека гласаше во сенатот со малечката ќерка поставена на нејзината града.
Гордата мајка тогаш сподели фотографија на Twitter и напиша: „Многу сум горда што ќерка ми Алија е првото бебе кое било доено во федералниот парламент. Ни требаат повеќе жени и родители во парламентот“.
So proud that my daughter Alia is the first baby to be breastfed in the federal Parliament! We need more #women & parents in Parli #auspol pic.twitter.com/w34nxWxG0y
— Larissa Waters (@larissawaters) May 9, 2017
Вчера, нејзиното име повторо беше споменувано во медиумите, бидејќи таа се обрати за време на седница, истовремено доејќи ја ќеркичката Алија. Малото бебенце има само 14 недели, а од мај наваму е редовен посетител на седниците во парламентот.
Видео
Постапката на Лариса беше пресретната со насмевка и одушевување од страна на нејзините колеги пратеници.
Еден од сенаторите дури го зеде малото бебенце за да си поигра со него, за што доби многу комплименти на социјалните мрежи.
Минатата година, австралискиот парламент ги промени правилата и им дозволи на мајките да дојат во собраниската сала.
